புதுக்கோட்டை மாவட்டத்தில் சன்மார்க்கம் , நீண்ட காலமாகப் பரவி வந்துள்ளது . அதன் விளைவாக மாவட்ட சன்மார்க்க சங்கம் தோன்றியதன் பயனாக மாத்துர் கிராமத்தில் வள்ளலார் மாணவர் இல்லம் 30- ஆண்டுகளுக்கு மேலாக இயங்கி ஏழை ,எளிய மாணவர்களின் கல்வி வளர்ச்சியிலும் , நல்லொழுக்கப் பண்பாட்டு வளர்ச்சியிலும் அக்கறை காட்டி வந்துள்ளது .

சன்மார்க்கப் பெருந்தொண்டர்களும் , சான்றோர் பெருமக்களும் அதன் முன்னேற்றதிற்கு உறுதுணையாக இருந்து வந்துள்ளனர்.

நமது , புதுக்கோட்டை மாவட்ட சன்மார்க்க சங்கம் 1983-இல் தோற்றுவிக்கப்பட்டது . தலைவராக புதுக்கோட்டை திருமிகு. நா.முத்துகிருஷ்ணன் அவர்களும், அரிமளம் நல்லாசிரியராகிய திருமிகு. சதா. மாணிக்கனார் Avl செயலாளராகவும் , பொருளாளராக புதுகை திருமிகு. சுப. சின்னப்பா அவர்களும் பொறுப்பேற்றனர்.

துணைத்தலைவராக  திருமிகு.சீ.சங்கரனார் அய்யா அவர்கள் பொறுப்பேற்றார்.

மாத்தூர் தவத்திரு .அருணாச்சல சுவாமிகள் அவர்கள் தம் உழைப்பால் ஈட்டிய செல்வத்தையும் , திருப்பராய்த்துறை  தபோவனத்தில் அளித்து அங்கே தங்கும் எண்ணமுடையவராக இருந்தார்.

அதுசமயம் , சங்கரய்யாஅவர்களின் மூத்த மகன் முருகேசனின் திருமணம் சென்னையில் நடக்க இருந்தது. மூக்கம்பட்டி அன்பர் திருமிகு. வீரையா அவர்கள் , திருமிகு. அருணாச்சல சுவாமியை அழைத்துக்கொண்டு சங்கரையா இல்லத்திற்கு சென்றார் .

திருமிகு. அருணாச்சலசுவாமியின் உழைப்பும் ,செல்வமும் தாம் வாழும் கிராம பகுதி மக்களுக்கும் சன்மார்க்க வளர்ச்சிக்கும் பயன்பட வேண்டும் என்று அறிவுறுத்தினார் .

சாமிகளும் , தமது சொத்துக்களை திருமிகு .சங்கரய்யா அவர்கள் ஏற்று தமக்கு நல்வழிகாட்ட வேண்டுமாறு கூறினார். சாமியின் வேண்டுகோளை ஏற்று திருமிகு .சங்கரய்யா Avl  சன்மார்க்க குருகுலம் அமைக்க மாவட்ட சன்மார்க்க சங்கத்தை கூட்டி ஆலோசனை நடத்தினார்.